Zelenskiý sosial media hasabyndan Russiýadaky nyşanalara garşy howa hüjümlerini dowam etdirýändigini aýtdy.
Zelenskiý Russiýanyň Ýaroslawl sebitindäki nebit desgasyna hüjüm gurandyklaryny we bu desganyň Ukrainanyň serhedinden takmynan 700 kilometr uzaklykda ýerleşýändigini belledi.
Zelenskiý Russiýanyň Tula sebitindäki "Azot" himiýa zawodyna guralan hüjüme ünsi çekip, bu zawodyň partlaýjy maddalary öndürmekde möhüm rol eýeländigini öňe sürdi. Ukrainanyň Prezidenti: "Düýn agşamdan bäri Russiýanyň alty howa menzilinde howa gatnawlaryna çäklendirme girizildi we Russiýanyň 28 sebitinde howa duýduryşy yglan edildi" diýip belledi.
Zelenskiý şeýle hem Russiýanyň basyp alan Ukrainanyň territoriýalarynda Russiýanyň harby infrastrukturasyna hüjümleriň guralandygyny belläp: "Biz Russiýanyň hökümetine gepleşikler üçin ähli mümkin bolan formatlary teklip etdik we ýeke-täk jogap hüjümleriň dowam etdirilmegi we olary giňeltmek synanyşyklary boldy. Urşuň başlan ýerine gaýdyp gelmegi logiki taýdan dogry. Ukrainanyň parahatçylyga zerurlygy bar” diýip belledi.
Zelenskiý rus goşunynyň hem Ukraina garşy howa hüjümlerini dowam etdirýändigini aýtdy.
