ABŞ-nyň Prezidenti Donald Tramp şenbe güni beren beýannamasynda, ABŞ-nyň Eýrana garşy giň gerimli söweş başladandygyny aýtdy we ABŞ-nyň söweşde adam pidasyny çekip biljekdigi barada duýdyryş berdi.
Tramp hüjümleriň Eýranyň raketa mümkinçigi bilen deňiz flodyny ýok etmegi maksat edinýändigine ünsi çekdi.
Tramp Trut Sosial arkaly ýaýradan wideo ýazgysynda “Bu beýannamam ýönekeý beýannama däl, Eýranyň hökümeti ynsanlary öldürmek isleýär” diýdi.
Tramp, “Amerikaly batyr esgerlerimiz hem ýogalyp biler. Söweşde adam pidasy çekilip bilner. Şu günümiz üçin däl eýsem gelejegimiz üçin söweşýäris. Bu biziň esasy wezipämiz” diýdi.
Eýranyň ýaragly güýçlerine we Ynkylap goragçylary goşunyna ýaraglaryny taşlamagy üçin çagyryş eden Tramp, boýun egenleriň howpsuzlygynyň kepillendiriljekdigini aýtdy.
Trampa görä beýleki alternatiw bolsa “ölüm”
Waşington bilen Tähran soňky hepdelerde Eýranyň ýadro maksatnamasy meselesinde birnäçe gepleşik geçirdi.
Taraplaryň arasyndaky soňky gepleşik penşenbe güni geçirlipdi, emma hiç hili ylalaşyk gazanylyp bilinmändi.
