Terror guramasy PKK-nyň ýekşenbe güni ähli agzalarynyň Türkiýeden Yragyň demirgazygyna çekilendigini mälim etmegi bilen Türkiýäniň “Terrorsyz Türkiýe” başlangyjynyň çäginde uly öňe gidişlik edildi.
PKK, Yragyň demirgazygynda ýerleşýän Süleýmaniýe sebitindäki Kandilde beren beýannamasynda, guramanyň ähli agzalarynyň Türkiýeden çekilendigini aýan etdi.
Beýannamada, terror guramasynyň ýaraglaryny taşlamagy we ähli aksiýalarynyň bes edilmegi baradaky kararyň maý aýynda guramanyň tussaglykdaky lideri Abdullah Öjalanyň görkezmesi boýunça kabul edilendigi bellenildi.
Türkiýeden gelendigi nygtalan PKK-ly 23 terrorçy hem guramanyň ýolbaşçylarynyň Kandilde metbugat ýygnagyna gatnaşdy.
PKK-nyň agzalarynyň bir bölegi iýun aýynda ýaraglaryny hatardan çykarypdy.
Bu başlangyç Türkiýe tarapyndan öwülşik nokady hökmünde häsiýetlendirlipdi.
Türkiýe, ABŞ we ÝB tarapyndan terror guramasy hökmünde häsiýetlendirlen PKK, 1980-njy ýyllardan bäri Türkiýede on müňlerçe adamyň ýogalmagyna sebäp boldy.
Häkimiýetiň başynda bolan Adalat we ösüş partiýasynyň başlygynyň orunbasary Efkan Ala, soňky beýannamalaryň we amala aşyrlan işleriň terror guramasynyň dolulygyna ortadan aýrylmagy taýdan möhümdigini belledi.
Adalat we ösüş partiýasynyn metbugat sekretary Ömer Çelik, PKK-nyň Türkiýäniň, Yragyň we Siriýanyň başda durmagynda tutuş sebitdäki aksiýalaryny bes etmeginiň we ýaragyny taşlamagynyň “Terrorsyz Türkiýe” başlangyjynyň netijesidigine ünsi çekdi.
