Türkiýe Afrikada ýerleşýän Kongo Demokratik Respublikasynyň gündogarynda ýer süýşmesi sebäpli çekilen adam pidalaryna gynanç bildirdi.

Türkiýäniň Daşary işler ministrliginden ýekşenbe güni berlen beýannamada, Ankaranyň ýer süýşmesi sebäpli çekilen adam pidalaryna uly gynanç bildirýändigi nygtaldy.

Beýannamada “Apatda ýogalanlaryň hossarlaryna we Kongo Demokratik Respublikasynyň halkyna uly gynanç bildirýäris, ýaralananlara şypa dileýäris” diýildi.

Köpçülikleýin habar beriş serişdeleriniň berýän habaryna görä, çarşenbe güni ýurduň Demirgazyk Kiwu sebitiniň Rubaýa Koltan magdan käninde ýer süýşmesi sebäpli 200-den gowrak adam ýogaldy.