Tramp: ABŞ Kuba meselesinde ylalaşyk gazanyp biler
Tramp Gawananyň energiýa ýetmezçiligi we gümrük salgyt howplaryna garşy göreşýän döwründe ABŞ-Kuba gepleşiklerine ýol açdy.
ABŞ-nyň prezidenti Donald Tramp ABŞ-nyň Kuba meselesinde "ylalaşyk gazanyp biljekdigine" ynanýandygyny aýtdy.
Trampyň bu beýanatyny şenbe güni, Kuba nebit üpjün edýän ýurtlara salgyt salmak bilen haýbat atmagyndan birnäçe gün soň berdi.
Tramp Kubanyň ABŞ bilen gepleşik geçirmegi baradaky çagyryşyny gaýtalap geçdi.
Tramp Florida ştatyna gitmezden öň “Air Force One” uçarynda žurnalistlere beren beýanatynda: “Munuň ynsanperwer krizise öwrülmeginiň zerurlygy ýok” diýdi.
Tramp: “Meniň pikirimçe, olar bize gelip, ylalaşyk baglaşmak isleýärler. Kuba örän erbet ýagdaýda. Olaryň puly ýok, nebiti ýok. Olar Wenesuelanyň puluna we nebitine bil baglaýardylar, ýöne indi munuň hiç biri gelmeýär” diýip, belledi.
2025-nji ýylda Wenesuela Kubanyň iň uly nebit üpjün edijisi bolup, adanyň gündelik zerurlyklarynyň üçden bir bölegini üpjün edýärdi. Şeýle-de bolsa, ABŞ-nyň ýük daşamagyna garşy blokadasyndan soň, Wenesueladan ýük daşamalary Nikolas Maduronyň zamun alynmagyndan öň hem azalyp başlapdy.
Wenesuela dekabr aýynda nebit eksportyny kesenden soň Kubanyň iň uly üpjün edijisine öwrülen Meksika, Waşingtonyň ar almagyndan howatyrlanyp, nebit eksportyny dowam etdirmek baradaky pikirini gaýtadan gözden geçirýär.