Siriýanyň Prezidenti Ahmed Şara çarşenbe güni Russiýanyň Prezidenti Wladimir Putin bilen duşuşmak üçin resmi sapar bilen Moskwa geldi.
SANA habarlar gullugynyň berýän habaryna görä, bu sapar Şaranyň soňky 4 aýda Moskwa guran ikinji sapary boldy.
SANA, iki lideriň arasynda geçiriljek gepleşiklerde özara gatnaşyklar bilen birlikde sebitde başdan geçirilýän soňky wakalaryň seljerilmegine garaşylýandygyny mälim etdi.
Rossiýa-24 teleýaýlymy Şaranyň resmi sapary hakyndaky habarlara giňişleýin ýer berdi.
Kremliň metbugat sekretary Dmitriý Peskow paýtagt Moskwada beren beýannamasynda, Putin bilen Şaranyň Siriýadaky rus esgerleri meselesini hem ara alyp maslahatlaşjakdygyny ýatdy.
Siriýadaky häkimiýet çalşygyndan soň Moskwa bilen Damaskyň arasynda gatnaşyklaryň ösýändigine ünsi çeken Peskow, “Siriýa Arap Respublikasy bilen edýän özara gatnaşyklarymyz liderlik çalşygyndan soň hem pugtalanmak bilen dowam edýär” diýdi.
Peskow Siriýanyň ozalki lideri Başar Asadyň yzyna berilmegi meselesiniň gün tertibine getirlip getirilmejekdigi hakyndaky soraga “Asad meselesinde hiç hili garaýyş beýan etmeýäris” diýip jogap berdi.
Kreml tarapyndan berlen beýannamada, Putin bilen Şaranyň arasyndaky gepleşiklerde Siriýanyň geçiş etaby we Ýakyn Gündogarda başdan geçirilýän soňky wakalaryň gün tertibine getiriljekdigi nygtaldy.
Çarşenbe güni guralan sapar Siriýanyň Prezidenti Ahmed Şaranyň 2025-nji ýylyň oktýabr aýynda Russiýa guran saparyndandan soň Moskwa guran ikinji resmi sapary boldy.
