Ukrainana degişli uçarmansyz howa ulaglarynyň Russiýanyň serhetýaka Belgorod sebitinde awtobusa hüjüm guramagy netijesinde üç adam ýogaldy we 19 adam ýaralandy. Russiýanyň Daşary işler ministrligi hüjümleri ýazgardy.
Sebitiň resmileri sişenbe güni serhetýaka obadaky bir kärhana uçarmansyz howa ulaglarynyň guran hüjüminde iki adamyň ölendigini habar berdiler.
Sebitiň esasy şäheri bolan Belgorodyň daşyndaky şäherçä guralan hüjümde ýene-de bir adam ýogaldy.
Ukraina serhediniň golaýyndaky Şebekino şäherinde awtobusa ot açyldy; ýaralananlaryň birinden başga ählisi bejergi almak üçin hassahana äkidildi.
Moskwa Ukrainany Russiýanyň dürli sebitlerinde awtobuslara yzygiderli hüjümler guramak bilen günäkärleýär.
