Russiýanyň iň uly elektron söwda platformasy bolan “Wildberries” kompaniýasyna degişli Leningrad sebitindäki ammara uçarmansyz howa ulagy bilen guralan hüjüminden soň dörän ýangyn sebäpli üç adam ýaralandy.
Leningrad welaýatynyň gubernatory Aleksandr Drozdenko beren ýazmaça beýanatynda sebitiň Wsewoložsk etrabyndaky Wildberries ammaryna dron hüjüminiň amala aşyrylandygyny aýtdy.
Drozdenko hüjümiň netijesinde ammarda ýangynyň ýüze çykandygyny aýtdy we 3 adamyň ýaralanandygyny we bejergi üçin hassahana äkidilendigini mälim etdi.
Drozdenko başga bir uçarmansyz howa ulagynyň bolsa Kirow etrabyndaky guşçulyk fermasynyň ammaryna gaçandygyny we gurluşyň bölekleýin ýykylmagyna sebäp bolandygyny, ýöne adam pidalarynyň çekilmändigini habar berdi.
Wildberries bolsa hüjümden soň käbir logistika merkezleriniň işini wagtlaýynça togtadandygyny aýan etdi.
Russiýanyň iň uly elektron söwda platformasy bolan Wildberries soňky günlerde dürli logistika merkezlerini nyşana alýan güýçli uçarmansyz howa ulaglar bilen guralýan hüjümlere sezewar boldy.
