Türk kärhanalar Eýrana, Yraga, Siriýa, Liwana we Iordaniýa ähli uçuşlaryny 6-njy marta çenli ýatyrdy
“Turkish Airlines”, “AJet”, “Pegasus Airlines” we “SunExpress” kompaniýalary töwekgelçilikleriň artmagy sebäpli çarşenbe gününe çenli Ýakyn Gündogar ýurtlaryna uçuşlaryny bes etdiler.
Türk howa ýollary kärhanalary ABŞ-nyň, Ysraýylyň we Eýranyň gatnaşmagynda Ýakyn Gündogarda güýçlenýän çaknyşyklar sebäpli Eýrana, Yraga, Siriýa, Liwana we Iordaniýa ähli uçuşlaryny 6-njy marta çenli togtatdy.
Ulaglar we infrastruktura ministri Abdulkadir Uralogly resmileriň ýagdaýy ýakyndan gözegçilikde saklaýandygyny we awiasiýa howpsuzlygyny üpjün etmek üçin çäreleriň görülýändigini aýtdy.
Uralogly Eýranyň, Ysraýylyň, Yragyň, Kataryň, Bahreýniň, Kuweýtiň, Iordaniýanyň we Siriýanyň günorta böleginiň howa giňişliginiň ýapylmagy bilen baglanyşykly NOTAM-laryň henizem güýjündedigini we bu howa giňişliginiň resmi taýdan ýapylandygyny aýtdy.
Ministr raýat gatnawlarynyň Omanda, Saud Arabystanynyň käbir ýerlerinde we Liwanda dowam edýändigini aýtdy we Birleşen Arap Emirliklerinde (BAE) adatdan daşary çäreleriň çäginde gatnawlaryň üýtgemeginiň dowam edýändigini we "Emirates" we "Etihad Airways" awiakompaniýalarynyň uçuşlarynyň duşenbe güni gaýtadan başlanjakdygyny hem mälim etdi.
Uralogly Tährandaky Ymam Humeýni halkara howa menziline “Türk Howa Ýollary” “Pegasus” howa ýollary kärhanalaryna degişli uçarlaryň galandygyny habar berdi.
Uçar saparlarynyň togtadylma işleri dowam edip biler
Türkiyäniň arzan awiakompaniýalarynyň biri bolan AJet-iň häzirki wagtda sebitiň çäklerinde galan hiç bir uçary ýok.
“Tailwind Airlines” kompaniýasynyň Yrakda yrakly kompaniýa kärendesine beren bir uçary bar.
Türkiyäniň awiakompaniýalary çäklendirilen howa giňişliginden gaça durmak üçin işjeň uçuşlaryny dürli ugurlara gönükdirýärler.
Ministr: "Sebitde dowam edýän töwekgelçilikler sebäpli, "Turkish Airlines", "AJet", "Pegasus" we "SunExpress" awiakompaniýalarynyň Eýrana, Yraga, Siriýa, Liwana we Iordaniýa uçuşlary 6-njy marta çenli ýatyryldy" diýdi. Ministr şeyle hem "Pegasus Airlines" kompaniýasynyň 12-nji marta çenli Eýrana uçuşlary amala aşyrmajakdygyny we Katara, Kuweýte, Bahreýne we BAE-e meýilleşdirilen ähli uçuşlaryň 3-nji marta çenli ýatyrylandygyny aýan etdi.
Uraloğlu şeýle hem kararlaryň gündelik netijelendirmeler esasynda kabul edilýändigini; häzirki şertlerde gowulaşma bolmasa, ýatyrylmalaryň her gün dowam edip biljekdigini beýan etdi.