Ysraýylyň goşuny şenbe güni beren beýanatynda Gazada tiz kömek ulaglaryna "şübheli ulaglar" hökmünde kesgitläp, hüjüm guralandygyny boýun aldy, Hamas bolsa hüjümde azyndan 1 adamyň ýogalandygyny belläp, hüjümi “harby jenaýat” hökmünde ýazgardy.
Waka geçen hepdäniň ýekşenbe güni Müsüriň golaýyndaky Rafah şäherindäki Tel-al-Soltan etrapçasynda başdan geçirildi.
Ysraýylly esgerler 20-nji martda ol ýerde hüjüm başlatdy, ol bolsa goşunyň takmynan 2 aý dowam eden ýaraşyk ylalaşygyndan soň Gaza howa hüjümleriniň başlan gününden 2 gün soňdy.
Ysraýylyň goşuny AFP beren beýanatynda: “Ysraýylly esgerler Hamasa degişli ulaglara hüjüm gurady we Hamasa agza birnäçe terrorçyny täsirsiz ýagdaýa getirdi. Birnäçe minutdan soň, goşmaça ulaglar goşunlara tarap şübheli ýagdaýda ýakynlaşdy. Esgerler şübheli ulaglara ot açyp, birnäçe Hamas we Yslam Jihad söweşijisini täsirsiz ýagdaýa getirdi” diýip belledi.
Goşun ulaglardan ot açylyp-açylmandygy barada maglumat bermedi.
Beýanatda: “Deslapky derňew işlerinden soň, şübhe astynda bolan ulaglaryň käbirleriniň tiz kömek we ýangyn söndüriji gulluklaryna degişli ulaglardygy kesgitlendi” diýip mälim etdi.
Bilkastlaýyn, rehimsiz gyrgynçylyk
Wakada bir gün soň Gazanyň raýat goranyş agentligi, Tel al-Soltanda ýoglan we ýaralanan adamlara kömek bermek üçin gyssagly ýagdaýda ugradylan 6 halas edijiden ybarat topar bilen aragatnaşygyň kesilendigini aýan etdi.
Anna güni, toparyň ýolbaşçysynyň jesediniň we halas ediş ulaglarynyň — tiz kömek we ýangyn söndüriji ulaglaryň — tapylandygy habar berildi. Şeýle hem, Palestinanyň Gyzyl ýarymaý jemgyýetine degişli ulagyň "demir galyndysyna öwrülendigini" aýtdy.
Hamasyň syýasy býurosynyň agzasy Basem Naim Ysraýyly "Rafah şäherinde Raýat Goranyş we Palestin Gyzyl Ýarymaý toparlaryna garşy bilkastlaýyn we rehimsiz gyrgynçylyk amala aşyrmakda" aýyplady.
Basem Nail: “Halas ediş işgärleriniň nyşana alynmagy — halkara ynsanperwer hukugy bilen gorag astynda bolýan işgärleriň öldürilmegi — Ženewa konwensiýalarynyň düzgüniniň açyk bozulmasy we uruş jenaýaty bolup durýar" diýip nygtady.
Palestinalylar hassahananyň golaýynda öldürildi
BMG-niň Ynsanperwer kömekleri utgaşdyryş edarasynyň ýolbaşçysy Tom Fletcher mart aýynyň 18-den bäri "Ysraýylyň gür ilatly ýerlerde amala aşyran howa hüjümlerinde ýüzlerçe çaga we beýleki raýatlar öldürildi. Hassahanalarda düşeginde öldürilen keselli adamlar. Tiz kömek ulaglaryna ot açylmagy. Gyssagly kömek gullugynyň toparlarynyň öldürilmegi. Eger ynsanperwer hukugyň esasy ýörelgeleri henizem ähmiýetli bolsa, halkara jemgyýetçiligi olary goramak üçin mümkinçiliginden peýdalanmalydyr" diýip belledi.
