Türkiyäniň Daşary işler ministrligi duşenbe güni beren beýanatynda, Türkiyäniň geçen hepdäniň ahyrynda başdan geçirlen “oňaýsyz wakalardan” soň türk raýatlarynada täsir ýetiren wakalar sebäpli Çernogoriýadaky ýagdaýa ýakyndan gözegçilik edýändigini habar berdi.
"Geçen hepdäniň ahyrynda Çernogoriýada bolan käbir gynandyryjy wakalar biziň raýatlarymyza hem täsir ýetirdi" diýip bellenen beýanatda, Ankaranyň wakalardan soň tiz wagtyň içinde Podgoritsadaky resmiler bilen aragatnaşyga geçendigi aýdylýar. Berlen beýanatda: "Wakalaryň başlamagyndan soň Çernogoriýanyň resmileri bilen aragatnaşyk ýola goýuldy we raýatlarymyzyň howpsuzlygyny üpjün etmek üçin zerur çäreler görüldi" diýildi.
Beýanatda Ankaranyň ýagdaýy ýakyndan gözegçilikde saklaýandygy we ýerli ýolbaşçylar bilen üznüksiz utgaşykly hereket edýändigi nygtaldy.
Beýanatda: "Wakalar ähli ugurlary boýunça ýakyndan gözegçilik edilýär we Çernogoriýanyň resmileri bilen aragatnaşyk we utgaşyklylyk üznüksiz dowam edýär" diýildi.
