Eýranyň nebit taýdan baý ýurduň günorta günbatarynda ýerleşýän Huzistan welaýatynda Ysraýylyň adyndan hüjüm gurandyklary öňe sürülýän 6 adamy asyp öldürendigi habar berildi.

Mesele hakynda şenbe güni berlen beýannamada, ady agzalýan adamlaryň howpsuzlyk güýçlerini öldürendigi we Huzistanyň Khorramshahr sebitinde käbir ýerlere bombaly hüjüm gurandyklary nygtaldy.

Kazyýetiň “Mizan”internet saýtynda berlen habarda: “Soňky ýyllarda Huzistan welaýatynda howpsuzlyk güýçlerini nyşana alýan ýaragly operasiýa geçiren we bombaly hüjüm guran 6 terrorça berlen ölüm jezasy şu gün irden ýerine ýetirildi” diýildi.

Asylyp öldürlenleriň şahsyýetleri we kazyýet etaby hakynda maglumat berilmedi.

Mizana görä, şol adamlar 2018-2019-njy ýyllarda iki polis gullukçysy we Basiž paramiliteriň agzasy bolmak bilen birlikde jemi 4 adamyň öldürilmeginden jogapkär.

Mundan başgada şol adamlar “Khrorramshahr” benzin bekedini ýarandyklaryny boýun alypdy.

Asylyp öldürilýänleriň sany artýar

Onlarça ýyldan bäri Ysraýylyň düşmany bolan Eýran, Ysraýyl we merkezi razwetka gullugy Mossad üçin içalylyk edýändigi sebäpli birnäçe adamy asyp öldürdi

Asylyp öldürilýänleriň sany gün saýyn artýar. Soňky aýlarda Ysraýyl bilen arabaglanşykly azyndan 10 adam asylyp öldürildi.

Eýran-Ysraýyl çaknyşygy iýun aýynda Ysraýylyň Eýrana hüjüm guramagy sebäpli söweşe öwrülipdi.