Rus general Moskwada guralan bombaly hüjümde öldürildi

Russiýa tarapyndan berlen beýannamada görä, rus general duşenbe güni ir ertir Moskwanyň günortasynda ulagyna goýlan partlaýjy maddanyň ýarylmagy sebäpli öldürildi.

Derňew komiteti Telegramdan beren habarnamasynda, Russiýanyň Baş ştatynyň Operatiw taýarlyk bölümiň başlygy leýtenant-general Fanil Sarwarowyň partlamada agyr ýaralanandygyny we aradan çykandygyny mälim etdi.

Habarnamada “22-nji dekabrda ir ertir Moskwada Ýasenewaýa köçesinde Fanil Sarwarowyň ulagynda goýlan partlaýjy madda ýaryldy” diýildi.

Habarnamada jenaýat hakynda işiň gozgalandygy nygtaldy we hüjümiň Ukrainanyň razwetka gullugy tarapyndan guralandygy öňe sürüldi.

Ukraina tarapyndan mesele hakynda heniz hiç hili beýannama berilmedi.