Sebitiň gubernatory şenbe güni ukrain dronlarynyň Russiýanyň Samara sebitindäki Ozon onlaýn söwda merkezine degişli senagat desgasyna we ammara hüjüm gurandygyny aýtdy.
Gubernator Wýaçeslaw Fedorişçew Telegram arkaly beren habarnamasynda gijeki hüjümlerde birnäçe adamyň ýaralanandygyny habar berdi.
Gubernator Fedorişçew haýsy senagat desgasynyň nyşana alnandygy hakynda takyk maglumat bermerdi. Samara sebitinde Ukraina tarapyndan yzygiderli nyşana alnan birnäçe nebiti gaýtadan işleýän zawod bar.
Ozon söwda merkezi Telegramda çap edilen beýanatynda, hüjümden soň Çapaýewsk şäherindäki logistika merkezinde işleriň togtadylandygyny habar berdi.
Ozon zawody nyşana alyndy
Bu hüjüm Ozon zawodyna guralandygy habar berilen ilkinji hüjümdir. Hüjüm adybir kompaniýanyň esasy bäsdeşi Wildberriese garşy birnäçe hepde dowam eden hüjümlerden soň guraldy.
Ukraina Russiýanyň ykdysady infrastrukturasyna guralan hüjümleri Moskwanyň öz harby operasiýalaryny goldaýan desgalara garşy giň gerimli kampaniýasynyň bir bölegi hökmünde häsiýetlendirdi.
Russiýanyň Goranmak ministrligi şenbe güni bir gijede 457 ukrain pilotsuz uçaryny urup düşürendiklerini beýan etdi.
Soňky hüjümler ukrain pilotsuz uçarlarynyň Russiýanyň territoriýalaryna we infrastrukturasyna dowam edýän hüjümleriniň fonunda boldy.
Çaknyşyklarda Russiýä we Ukraina front liniýalaryndan alysda ýerleşýän energiýa we senagat desgalaryny birnäçe gezek nyşana aldylar.
