Türkiýe Respublikasynyň Prezidenti R. T. Erdogan anna güni Eýranyň Prezidenti Mesud Pezeşkiýan bilen telefon arkaly söhbetdeşlik geçirdi.
Kommunikasiýalar edarasyndan berlen beýannama görä, iki lider telefon söhbetdeşliginde Türkiýe-Eýran gatnaşyklary bilen birlikde ABŞ bilen Eýranyň arasyndaky dartgynlyk hakynda pikir alyşdy.
Erdogan telefon söhbetdeşliginde harby dartgynlygyň ortadan aýrylmagy we başdan geçirilýän kynçylyklaryň çözülmegi üçin Türkiýäniň Eýran bilen ABŞ-nyň arasynda töwellaçylyk etmäge taýardygyny nygtady.
Beýannamada Erdoganyň Pezeşkiýana anna güni paýtagt Ankarada Eýranyň Daşary işler ministrini kabul etjekdigine ünsi çekendigi bellenildi.
Türkiýe bilen Eýran ýakyndan gatnaşyk edýär
Eýranyň Daşary işler ministri Abbas Arakçy anna güni beren beýannamasynda, sebitara kynçylyklaryň hötdesinden gelmek üçin Türkiýe bilen Eýranyň utgaşykly hereket etmeginiň möhümdigini nygtady.
Türkiýä guraýan sapary hakynda Eýranyň köpçülikleýin habar beriş serişdelerine beýannama beren Arakçy, birnäçe aý ozal meýilleşdirlen resmi saparynyň çäginde özara gatnaşyklar bilen birlikde sebitara we halkara meseleler hakynda pikir alyşjakdyklaryny aýtdy.
Arakçy “Eýran bilen Türkiýe hemişe ýakyndan gatnaşyk edýän iki goňşy ýurt. Syýasy we ykdysady gatnaşyklar bilen birlikde sebitara meseleler boýunça yzygiderli aragatnaşyk saklaýarys” diýdi.
