Habar berlişine görä, Ysraýylyň basyp ayşlyk astyndaky Günbatar Şeriadaky Al Halil we Beýtüllahim şäherlerinde palestinalylara degişli takmynan 183 gektar ýeri ele geçirdi.
Palestina Aýrylyk (Utanç) diwaryna we Ýewreý Ýaşaýyş ýerlerine garşy komitet tarapyndan berlen ýazmaça beýanatda Tel-Awiw dolanşygynyň basyp alyşlyk astyndaky Günbatar Şerianyň günortasyndaky Al Halil we Beýtüllahim şäherleriniň golaýyndaky obalarda 18281 gektar ýeri "döwlet emlägi" hökmünde yglan edendigi aýdylýar.
Beýanatda Ysraýylyň sebitdäki bikanun ilatly ýerlere resmi status bermek arkaly giňelmek tagallalarynyň çäginde palestinalylaryň ýerlerini elinden alýandygy bellenilýär we Ysraýylyň bu hereketler arkaly Palestinanyň territoriýasyny böleklere bölmegini we ýer ýüzünde de-fakto anneksiýany amala aşyrmagyny dowam etdirýändigi aýdylýar.
Ysraýyl 2023-nji ýylyň oktýabr aýynda Gaza zolagyna garşy hüjümlerini başladanyndan bäri, basyp alyşlyk astyndaky Günbatar Şeriada we Gündogar Iýerusalimde palestinalylara garşy tussag etmeler, reýdler we hüjümler hem köpeldi.
