Harby çeşmeleriň berýän maglumatyna görä, Sudanyň harby goşuny Günbatar Kardofandaky Babnousa şäherinde Çalt goldaw güýçleri HDK-nyň täze hüjümini yzyna serpikdirdi.
Anadoly habarlar gullugyna berlen maglumata görä, Sudanyň harby goşunynyň 22-nji piýada topary agyr we ýeňil ýaraglar bilen şähere giren HDK güýçlerini yzyna serpikdirdi.
Habara görä, HDK güýçleri hünärmen we harby enjam taýdan uly ýitgi çekdi.
Sudanyň harby goşuny we HDK güýçleri tarapyndan mesele hakynda heniz hiç hili beýannama berilmedi.
HDK güýçleri ýekşenbe güni Babnousa şäherini almak üçin tagalla edýändiklerini habar beripdi. Şäher 2024-nji ýylyň ýanwar aýyndan bäri gabaw astynda.
Harby goşun soňky günlerde uçarmansyz howa ulaglary we sowutly ulaglar bilen HDK güýçleriniň Babnousa şäherine hüjüm guramagyny bökdeýär.
Ýerli ynsanperwer kömek guramalary, şäheriň 177 müň ýaşaýjysynyň öýlerini terk edendigi sebäpli şäheriň ilat taýdan boşalandygyny mälim etdi.
HDK güýçleri geçen aý Demirgazyk Darfuryň paýtagty Al Faşiri ele geçiripdi we şäherde uly gyrgynçylyk edipdi.
Bütindünýä Saglygy goraýyş guramasyna görä, 2023-nji ýylyň aprel aýynda harby goşun bilen HDK güýçleriniň arasynda başlan çaknyşyklarda 40 müň adam ýogaldy, 12 müň adam hem öýüni terk etdi.
