Döwlet habarlar gullugy “TASS-yň” anna güni beren habaryna görä Russiýanyň Prezidentiniň orunbasary Ýuriý Uzaşok Prezident Donald Trampyň Nobeliň Parahatçylyk baýragyna dalaşgärligi hakynda durup geçdi.
Russiýanyň Trampyň Ukrainadaky urşy bes etmek ugrundaky tagallalaryna minnetdardygyny birnäçe gezekbeýan etdi. Ukrainanyň Prezidenti Wladimir Zelenskiý bolsa penşenbe güni çap edilen beýannamasynda şol baýragy almak isleýändigini aç-açan beýan eden Trampyň atyşygy bes etmegi ýola goýan halatynda Kiýewiň ony Nobeliň baýragyna dalaşgärlige hödürlejekdigini aýtdy.
Nowergiýanyň Nobel Komiteti şeýle abraýly bolandygyna garamazdan laýyk görülenleri çakmasy kyn bolan baýragy kimleriň aljakdygyny anna güni yglan eder.
Bilermenler komitetiň umuman parahatçylygyň yzgiderliligi, halkara doganlyk gatnaşyklarynyň goldanmagy we şol maksatlary güçlendirýän guramalaryň alyp barýan işlerini seljerýändigini beýan edýärler. Baýrak yglan edilmezden ozal Trampyň oňa laýyk görülme ähtimallygy hakynda myş-myşlar çykan hem bolsa, Nobel baýragy boýunça synçylar şahsy taýdan jogapkärçilik alan käbir daşary syýasat başlangyçlaryna garamazadan ABŞ-nyň prezidentiniň şansynyň pesdigini aýdýarlar.
Oslodaky Parhatçylygy Öwreniş İnstituty tarapynda laýyk görülenlerin hatarynda görkezilýän toparlaryň arasynda ýurduň içerki urşunda ynsanperwer kömegiň merkezine öwrülen tor bolan Sudanyň Gyssagly Çäre Görüş Otaglary, Halkara Adalat Diwany we Halkara Jenaýat Kazyýeti; hem-de metbugat azatlygyny goldaýan we iş mahalynda öldürilen žurnalistleriň sanawyny düzen merkezi ABŞ-da ýerleşýän Žurnalistleri goraýyş Komiteti bar.
Geçen ýylky baýrak Ýaponiýadaky atom bombasyndan ejir çekenlerin döreden we ýadro ýaraglarynyň ulanylmagyna garşy güýç döretmek üçin onlarça ýyldan bari iş alyp barýan halk hereketi “Nihon Hindanko” berilipdi.
Parahatçylyk baýragy her ýyl Nowergiýanyň Oslo şäherinde berilýän ýeke-täk Nobel baýrağydyr. Beýleki dört baýrak bolsa şu hepde Şwesiýanyň paýragty Stokgolmda eýelerine gowşuryldy. Ýekşenbe güni bolsa lukmançylyk, sişenbe güni fizika, çarşenbe güni himiýa we penşenbe güni edebiýat baýraklary yglan edildi. Ykdysadyýet baýragyna laýyk görülen bolsa duşenbe güni yglan ediler.
