ABŞ-nyň Prezidenti Donald Tramp, Nigeriýada hristianlara uly howpyň abanýandygyny öňe sürdi we Günbatar Afrika ýurdunyň ABŞ-nyň Döwlet sekretarlygy tarapyndan gözegçilik sanawyna alynandygyny aýtdy.

Tramp anna güni Trut Sosial platformasy arkaly beren habarnamasynda “Hristianlar Nigeriýada uly howpy başdan geçirýär. Müňlerçe hristian öldürilýär. Bu köpçülikleýin gyrgynçylykdan radikal yslamçylar jogapkär” diýip belledi.

Tramp Nigeriýany, Afrikanyň iň uly nebit öndürijisini we iň köp ilatly ýurduny, ABŞ-nyň dini azatlygyň basgylanýan ýurtlarynyň sanawy bolan “Aýratyn alada bildirilýän ýurtlaryň” sanawyna alynandygyny aýtdy.

ABŞ-nyň Döwlet sekretarlygynyň internet saýtyna görä şol sanawda Hytaý, Mýanma, Demirgazyk Koreýa we Russiýa ýaly ýurtlar ýer alýar.

Tramp, ABŞ-nyň Wekiller mejlisinden mesele bilen ýakyndan gyzyklanmaklaryny we ýörite habarnama taýarlamaklaryny isländigini belledi.