Pakistanly ýolbaşçylar sişenbe güni beren beýannamasynda, kamikaze bombaçysynyň partlaýjy ýüklenen ulagyny Pakistanyň demirgazyk günbatarynda ýerleşýän howpsuzlyk merkeziniň golaýynda ýarandygyny mälim etdi.

Wakada 14 esger bilen 1 çaganyň ýogalandygy nygtaldy. Hüjümden soň geçirlen operasiýada 12 terrorçynyň öldürlendigi bellenildi.

Pakistanyň harby goşunyndan berlen beýannamada, duşenbe gijesi ýurduň demirgazyk günbatarynda ýerleşýän Haýber Pahtunhwa sebitiniň Bažur etrapçasynda terrorçylaryň Melangede howpsuzlyk merkezine hüjüm guramaga synanşandygy nygtaldy.

Beýannamada “Hüjümçiler howpsuzlyk merkezinden içeri girmäge çalyşdy, emma Pakistanyň howpsuzlyk güýçleri dönükleriň maksadyna ýetmeginiň öňüni aldy. Gahryman esgerlerimiz dönükleri täsirsiz ýagdaýa getirdi” diýildi.

Ýerli howpsuzlyk güýçleriniň berýän maglumatyna görä, hüjümde ýogalanlaryň arasynda 1 çaga hem bar.

Hüjümde howpsuzlyk merkeziniň golaýyndaky öýlerde ýaşaýan 7-si çaga, asuda ilatdan 8 adamyň ýaralanandygy bellenildi.

İçeri işler ministrliginden sişenbe güni berlen beýannamada, Pakistanyň port şäheri Karaçide terrorçylara garşy geçirlen operasiýada 4 terrorçynyň öldürlendigi, iki polis gullukçysynyň ýaralanandygy nygtaldy.

Soňky ýyllarda Pakistanda guralýan terrorçylykly hüjümleriň sany artýar.

Esasan ýurduň demirgazyk günbatarynda ýerleşýän Haýber Pahtunhwa we ýurduň günorta günbatarynda ýerleşýän Buluçistan sebitlerinde howpsuzlyk güýçlerine we ýerli häkimiýetlere garşy bombaly hüjümler guralýar.

Duşenbe güni ertiriň irki sagatlarynda Haýber Pahtunhwa sebitiniň Şangla etrapçasynda terrorçylara garşy geçirlen operasiýada azyndan 3 polis gullukçysy ýogaldy. Operasiýada 2 terrorçy hem öldürildi.

Duşenbe güni Haýber Pahtunhwanyň Bannu etrabynda partlaýjy maddasynyň ýarylmagy sebäpli azyndan 2 adam ýogaldy, 17 adam hem ýaralandy.