Fidan Antalýada Pakistanyň Premýer-ministri Şerif bilen duşuşdy
Daşary işler ministri Hakan Fidan Antalýa Diplomatiýa forumynyň çäginde Pakistanyň Premýer-ministri Şahbaz Şerif bilen duşuşdy.
Türkiýe Respublikasynyň Daşary işler ministrligi, ministr Hakan Fidanyň Pakistanyň Premýer-ministri Şahbaz Şerif bilen Antalýada duşuşandygyny habar berdi.
Daşary işler ministrliginiň penşenbe gijesi Türk sosial media platformasy NSosial arkaly beren habarnamasynda, duşuşygyň Antalýa diplomatiýa forumynyň öňüsyrasynda geçirlendigi nygtaldy.
Habarnamada duşuşyk hakynda giňişleýin maglumat berilmedi.
Dünýä liderleri we halkara guramalaryň wekilleri şu ýyl aprel aýynyň 17-19-y aralygynda 5-njisi geçirilýän Antalýa Diplomatiýa forumynyň çäginde syýahatçylygyň paýtagty Antalýada duşuşýar.
Forum Prezident R. T. Erdoganyň goldaw bermeginde, Daşary işler minisrtliginiň ýer eýeçiliginde “Geljegi kesgitlemek, näbellige garşy göreşmek” temasy bilen geçirilýär.
Türkiýäniň, Pakistanyň, Saud Arabystanynyň we Müsüriň Daşary işler ministri söweşiň bes edilmegi maksady bilen ABŞ-Eýran gepleşikleriniň ikinji tapgyrynyň öňüsyrasynda hepdäniň ahyrynda Antalýada geçirilýän forumyň çäginde duşuşar.
Pakistanyň Premýer-ministri üç ýurdy içine alýan saparynyň çäginde Saud Arabystanyndan we Katardan soň Antalýa geldi.
Pakistanyň Baş ştabynyň başlygy marşal Asym Munir hem Eýran bilen ABŞ-nyň arasynda täze gepleşikleriň geçirilmegi üçin Tährana gitdi.
NATO agza we Eýranyň goňşusy bolan Türkiýe, ABŞ, Eýran we töwellaçy Pakistan bilen ýakyndan aragatnaşyk saklaýar.
ABŞ bilen Eýran ýekşenbe güni Yslamabatda geçirlen we netijesiz tamamlanan gepleşiklerden soň geljek hepde Pakistanda duşuşmagy meýilleşdirýär.
Eýran bilen ABŞ, 28-nji fewralda Ysraýyl bilen ABŞ-nyň garaşylmadyk ýagdaýda Eýrana garşy başladan urşunyň bes edilmegi meselesinde ylalaşyk gazanyp bilmedi.