ABŞ-nyň Prezidenti Donald Tramp Afrikanyn iň köp ilatly ýurdy Nigeriýada hristianlaryň öldürilmegi bes edilmän halatynda ABŞ-nyň harby güýçlerini “ýaraglary bilen bilelikde” Nigeriýa ugratjakdygyny beýan etdi.
Respublikaçy lideri şenbe güni “Trut Sosial” platformasy arkaly beren habarnamasynda Pentagonyň ähtimal hüjüm meýilnamasyny taýýarlamagyny isländigini mälim etdi. Bu habarnamada Trampyň bir gün ozal hristianlyga Nigeriýada “ýok bolma howpunyň” abanýandygyny aýtmagyndan soň berildi.
“Eger-de Nigeriýanyň hökümeti hristianlaryň öldürilmegine ýol bermäge dowam etse, ABŞ berýän kömegini we goldawyny dessine bes eder hem-de indi ygtybaryny ýitiren ýurda “ýaraglar bilen üpjün görnüşde barmagy ýokary ähtimallykdyr” diýdi.
“Goranmak ministrligimize ähtimal operasiýa üçin taýýarlyklar görmekleri üçin görkezme berdim. Eger-de hüjüm etsek, ol çalt, güýçli we netijeli bolar. Terrorçylaryň biziň gymmatly hristianlarymyza hüjüm edişi ýaly” diýip, sözüniň üstüni ýetirdi.
ABŞ-nyň Prezidenti bu habarnamasyny: “Duýduryş: Nigeriýanyň Hökümeti Gyssagly Hereket Etse Gowy Bolar!” diýip, tamamlady.
Bilermenler Nigeriýada hem hristianlaryň hem-de musulmanlaryň tapawut goýulmazdan öldürilýändigini, ýurtda köp sanly çaknyşygyň başdan geçirilýändigini beýan edýär.
Tramp anna güni beren habarnamasynda; “münlerçe hristianyn öldürilendigini” öňe sürüp, käbir radikallaryň şol “köpçülikleýin gyrgynçylykdan” jogapkärdigini öňe sürüpdi.
Hristianlara zorluklaryň edilýändigi hakynda günäkärlemeler geçmişde pajygaly netijelere sebäp bolan we henizem ýurduň syýasatyny ugrukdyrýan etniki, dini we sebitleýin bölünşikleri başdan geçirýän Nigeriýada käbir gatlaklar tarapyndan hem beýan edilýär.
Nigeriýa, ilatynyň tas deň derejede esasy bölegi musulman demirgazyk we esasy bölegi hristianlardan ybarat günorta hökmünde ikä bölünýär.
