Indoneziýanyň gündogarynda ýerleşýän Flores adasynyň golaýynda 7,7 bal ululygynda ýer titremesi boldy.

Ýolbaşçylaryň beren sunami duýduryşyndan soň müňlerçe adam dowla düşdi we depelere tarap gaçmaga başlady. Ýer titremesi sebäpli 20 adamyň ýogalandygy habar berildi.

Şenbe güni bolan ýer titremesiniň merkezi hasaplanylýan Nagekeo etrabynyň ýaşaýjylary sunaminiň alamaty hökmünde kabul edilýän deňiziň suwynyň çekilmegi bilen birlikde belent depelere tarap ylgady.

Amerikaly we Indoneziýaly resmiler ýer titremesiniň adanyň demirgazyk kenarynda Ende etrapçasynyň 68 kilometr demirgazyk günbatarynda bolandygyny habar berdi.

Ilkinji ýer titremesinden soň şol sebitde 6,1 bal ululygynda ýer  birnäçe ýer titremesi boldy.

Ewakuasiýa çagyrşy

Indoneziýanyň Geofizika gullugy, ýer titremesinden soň sunami tolkunlary barada duýduryş berdi we halka belent ýerlere gitmekleri barada çagyryş etdi.

Milli Apat gullugynyň resmisi Abdul Muhari “Floresiň demirgazygynda we günortasynda ýaşaýan ýaşaýjylarymyza gyssagly sebiti terk etmekleri üçin çagyryş edýäris” diýdi.

Muhari ýerli Kompas teleýaýlymyna beren beýannamasynda “Ýaşaýjylar adanyň kenaryndan çetde durmaly ýada 10 kilometr alysdaky depelere gitmeli” diýip belledi.