Stambulda polis gullukçylaryna guralan hüjüminden soň üç terrorçy täsirsiz ýagdaýa getirildi

^{Türkiýäniň içeri işler ministri sişenbe güni Stambulyň Beşiktaş etrabynda bolan ýaragly çaknyşykda üç ýaragly şübheliniň täsirsiz ýagdaýa getirilendigini we iki polis gullukçysynyň ýaralanandygyny beýan etdi.}

^{Içeri işler ministri Mustafa Çiftçi şübhelileriň Ýapy Kredi Plaza toplumynyň öňünde polis gullukçylaryna ot açandygyny we üç hüjümçiniň hem soňky çaknyşykda "täsirsiz ýagdaýa getirilendigini" aýtdy. Ýaralanan polis işgärleriniň ýagdaýy durnukly bolmagynda galýar.}

^{Türkiýäniň Kommunikasiýalar edarasynyň başlygy Burhanettin Duran beýanatynda hüjümde ýeňil ýaralanan iki gahryman polis işgäriniň gysga möhletde sagalmagyny arzuw edip: "Ýurdumyzyň parahatçylygyna we howpsuzlygyna ömrüni bagşeden ähli polis gullukçylaryna duýgudaşlyk bildirýärin" diýdi.}

^{Duran şeýle hem döwletiň ähli howplara we prowakasiýalara garşy egilşiksiz göreşi dowam etdirjekdigini aýtdy.}

^{Adalat ministri Akyn Gürlek etrapda bolan ýaragly hüjüm baradaky habardan soň Baş prokuroryň dessine derňew işini başlandygyny we wakanyň bolan ýerine baş prokuroryň orunbasary bilen iki prokuroryň ugradylandygyny beýan etdi.}

^{Wakanyň bolan ýerine baryp, halas ediş toparlaryndan maglumat alan Stambulyň şäher häkimi Dawutogly aşakdakylary aýtdy: "Hüjümiň netijesinde iki polis gullukçymyz ýeňil ýaralandy. Terrorçylaryň biri öldürildi, ikisi ýaralandy we täsirsiz ýagdaýa getirildi. Içeri işler müdirimizi we onuň egindeşlerini gutlaýaryn. Merhumlaryň şahsyýetini anyklaýyş işleri dowam edýär. Howpsuzlyk güýçlerimiz arabaglanşyklary we beýleki meseleleri anyklamak üçin iş alyp barýarlar. Wakanyň prowokatiw häsyete eýedigi çaklanylýar. Konsullykda iki ýarym ýyl bäri hiç hili hereket bolmady. Ol ýerde diplomatik işgärler ýok. Howpsuzlyk güýçlerimiz ähli ugurlar boýunça işlerini dowam etdirýärler" diýdi.}

 ^{Şübheliler anyklandy, arabaglanşyklary derňelýär}

^{Resmiler şübhelileriň Izmitden Stambula kärende alnan awtoulag bilen gelendigini habar berdiler. Şübhelileriň biriniň dinden hyýanatçylykly peýdalanýan topar bilen gatnaşygy bardy, beýlekisiniň bolsa (iki şübheliniň biri dogan) ozal neşe serişdeleri bilen baglanyşykly jenaýat işine çekilendigi mälim edildi.}

^{Häkimiýetler derňewiň hukuk goraýjy edaralar bilen utgaşykly alynyp barylýandygyny we hüjümiň möçberini hem-de ähtimal sebäplerini anyklamaga gönükdirilendigini mälim etdiler.}