Ysraýylyň harby goşuny ylalaşyga garamazdan Liwanyň günortasynda ýerleşýän Hujeýr jülgesine howa hüjümini gurady. Hiýam etrapçasyna hem awtomatiki ýaraglar bilen od açdy.
Liwanyň resmi habarlar gullugy NNA-nyň berýän habaryna görä, Ysraýyla degişli harby uçarlar düýn ýary gije Hujeýr jülgesiniň Kantara etrabyna howa hüjümini gurady. Ysraýyl Hiýam etrapçasyna hem awtomatiki ýaraglar bilen od açdy.
Ysraýylyň harby goşuny ýari gije ýurduň günortasynda ýerleşýän Bint Jubeýl etrabynyň Hadasa etrapçasyna hem ýaragly hüjüm gurady.
Ysraýylyň Liwandaky hüjümleri
Ysraýylyň harby goşuny 2-nji martdan bäri Liwana guraýan hüjümlerinde ýurduň günortasyndaky birnäçe etrapçany basyp aldy.
Liwanyň hökümeti hüjümler sebäpli ýurtda ýaşaýan ýerlerini terk edenleriň sanynyň 1 milliondan geçendigini mälim etdi.
Liwan bilen Ysraýylyň arasynda 17-nji aprelde güýje gije ylalaşygyň möhledi birnäçe gezek uzadylypdy.
Ysraýylyň harby goşuny ylalaşyga garamazdan 15-nji awgustda Liwana howa hüjümini gurady.
Liwanyň Saglygy goraýyş ministrligi Ysraýylyň 2-nji martdan bäri guraýan hüjümlerinde 4 müň 346 adamyň ýogalandygyny mälim edipdi.
