Baýrak gowşurlyş dabarasy Atatürk Medeniýet, Dil we Taryh ýokary geňeşiniň Atatürk konferensiýa zalynda geçirildi.
Türk diline hyzmat baýraklarynyň gowşurlyş dabarasyna Medeniýet we syýahatçylyk ministri Mehmet Nuri Ersoý, Türk dil guramasynyň başlygy Prof. Dr. Osman Mert, BMG-nyň Bilim, ylym we medeniýet düzümi ÝUNESKO-nyň Türkiýe milli komissiýasynyň başlygy Prof. Dr. Öjal Oguz we Atatürk Medeniýet, dil we taryh ýokary geňeşiniň başlygy Prof. Dr. Derýa Örs bilen birlikde alymlar we raýatlar gatnaşdy.
Dabara, türk diline hyzmat eden şahsyýetleri bir ýere jemlemegi maksat edinýär. Şeýlelikde halka bu şahsyýetleriň türk diline goşan möhüm goşantlary gürrüň berilýär.
Türk diliniň baýlygyny goramak we geljekki nesillere ýetirmek üçin uzak ýyllaryň dowamynda arman ýadaman irginsiz işlän şahsyýetler baýrak gowşurlyş dabarasynyň çäginde bir ýere jemlenişdi.
Türk dilini dogry we düşnükli ýagda giň halk köpçüliginde ýetiren TRT-niň Daşary ýurt ýaýlymlary departamentiniň başlygy Onur Çekiji, TRT-niň Türkiýäniň Sesi radioasy arkaly türk dilini sada we düşnüşkli ýagdaýda diňleýjilerine ýetiren alyp baryjy Şener Mete, türk diliniň halkara derejesinde öwrenilmegine uly goşant goşan Dr. Ergin Žable, türk diliniň dürli dialektlerinde deňeşdiriji lingwistika ugurlarynda iş alyp baran Prof. Dr. Henrik Žankowski we terminalogiýadaky ilkinji işi bilen türk dilini ylmy dil hökmünde kesgitlän Prof. Dr. Aýdyn Köksal, türk diliniň digitallaşdyrylmagy, TÜBA-nyň inženerçilik adalgalary sözlüginiň redaktory Prof. Dr. Bülent Sankur bilen birlikde türk diliniň baýlygynda öçmejek yz galdyran Prof. Dr. Hajy Ömer Karpuz 2025 Türk diline hyzmat baýraklaryna mynasyp boldy.
Dabarada çykyş eden Medeniýet we syýahatçylyk ministri Mehmet Nuri Ersoý, diliň bir milletiň hakydasy, wyždany we ýüregidigine ünsi çekdi we türk diline hyzmat edenleriň diňe bir sözi ýada sözlemi owadalanlamak bilen çäklenmän eýsem şol bir wagtda topraga we umumy medeni mirasa hyzmat edendigine aýratyn ünsi çekdi.
Ministr Ersoý, türk diline hyzmat etmegiň halkymyzyň geljegi üçin iň gymmatly miraslardan biridigini nygtady.
Medeniýet we syýahatçylyk ministri Mehmet Nuri Ersoý “Türk diline hyzmat etmek köplenç göze görünmeýän tagalladyr, ýöne gymmaty çäksizdir” diýdi.
Dilimiziň Kaşgarly Mahmutdan Ýunus Emre we Ali Şir Nowaýy ýaly beýleki akyldarlar arkaly biziň günlerimize çenli gelip ýetendigini ýatladan Ersoý, Türk dil guramasynyň hem Respublikany esaslandyryjy Gazi Mustafa Kemal Atatürkiň öňbaşçylygynda türk diliniň sadalaşdyrylmagy we ylmy taýdan ösüşi üçin taryhy jogapkärçiligi öz üstüne alandygyny aýtdy.
Türk diline hyzmat baýragy alanlary gutlan Ersoý, türk diline goşant goşantlary üçin olara minnetdarlyk bildirdi.
Ministr Ersoý bu mirasy geljek nesillere ýetirmegiň bir adamyň esasy jogapkärçiligidigine ünsi çekdi.
Dabarada çykyş eden Türk dil guramasynyň başlygy Prof. Dr. Osman Mert bolsa her ýyl berilýän Türk diline hyzmat baýraklarynyň diňe bir minnetdarlyk däl eýsem şol bir wagtda wepadarlygy görkezýändigini nygtady.
