Resmiler Nigeriýanyň harby güýçleriniň ýurduň demirgazyk gündogarynda ýerleşýän Borno welaýatynda geçiren operasiýasynda DEAŞ bilen arabaglanşykly terror guramasy ISWAP-a agza 25 terrorçynyň täsirsiz ýagdaýa getirlendigini habar berdi.
Nigeriýanyň Şanel teleýaýlymynda berlen habara görä, ýekşenbe güni harby güýçler Limankara we Kukawa sebitlerinde ISWAP-a garşy operasiýa geçirdi.
Harby güýçleriň serkerdesi Sani Uba mesele hakynda beren beýannamasynda “Çaknyşykda 15 terrorçy täsirsiz ýagdaýa getirildi. Ýaralanan birnäçe terrorçy bolsa gaçdy” diýdi.
Howa güýçleriniň gaçan terrorçylary yzarlandygyny aýdan Uba “Ýene-de 10 terrorçy täsirsiz ýagdaýa getirildi” diýdi.
Uba operasiýanyň çäginde terrorçylar tarapyndan ulanylýan logistiki merkezleriň hatardan çykarlandygyny belledi.
Terrorçylara degişli 2 ulag bilen birnäçe ýarag we ok-däri ele geçirildi.
Nigeriýa uzak ýyllardan bäri ýaragly toparlar bilen Boko Haram we ISWAP ýaly terror guramalarynyň sebitde guraýan hüjümlerine garşy göreşýär.
ABŞ-nyň Prezidenti Donald Tramp, Nigeriýadaky hristianlaryň zuluma sezewar bolýandygyny we terrorçylar tarapyndan guralýan hüjümler sebäpli uly ýitgi çekendigini öňe sürüpdi.
Nigeriýanyň hökümeti we garaşsyz hünärmenler bolsa terrorçylar diňe hristianlary däl eýsem musulmanlary hem nyşana alýandygyny mälim etdi.
ABŞ-nyň harby goşuny 25-nji dekabrda Nigeriýanyň Sokoto sebitinde howa hüjümini gurady.
Nigeriýaly resmiler özleri bilen utgaşykly ýagdaýda geçirlen operasiýda DEAŞ bilen arabaglanşykly terrorçylaryň nyşana alynandygyny habar berdi.
