Alžiriň Prezidenti “Ysraýylyň hüjüm ediji tutumy Palestini ýok edip bilmez” diýdi
Abdulmejid Tebbun, “Alžir basyp alyşlyk astyndaky palestinli doganlaryna goldaw bermäge dowam eder”diýdi.
Alžiriň Prezidenti Abdulmejid Tebbun çarşenbe güni beren beýannamasynda, Ysraýylyň hüjüm ediji tutumynyň Palestini ýok edip bilmejekdigini nygtady.
Alžiriň APS habarlar gullugynyň berýän habaryna görä, Alžiriň Mujahitler we şehitler ministri Abdelmalek Tajerift, paýtagt Alžirde her ýylyň 29-njy noýabrynda Palestin halky bilen arkalaşyk güni mynasibetli geçirlýän dabarada Prezident Tebbunyň ýüzlenmesini okady.
Prezident Tebbun ýüzlenmesinde, Ysraýylyň Palestin halkyna garşy guraýan hüjümleriniň halkara hukugynyň esasy ýörelgelerini açyk-aýdyň basgylaýandygyny görkezýändigine ünsi çekdi.
Tebbun, Ysraýylyň Gazada gündelik durmuşa uly zeper ýetirýändigini, basyp alyşlyk astyndaky Günbatar Şeriada we İýerusalimde Palestine degişli ýerleri ele geçirendigini aýtdy.
“Ysraýylyň hüjüm ediji tutumlary Palestini ýok edip bilmez” diýen Tebbun, halkara jemgyýetçiligine Ysraýylyň hüjümleriniň bes edilmegi, ynsanperwer kömeginiň sebite ýetirilmegini üpjün etmegi üçin tagalla etmekleri barada çagyryş etdi.
Alžiriň Palestin döwletiniň BMG-na doly agza bolmagy üçin tagalla edýändigini aýdan Tebbun, munyň Palestin halkynyň öz ykbalyny kesgitlemek hukugy taýdan möhümdigini nygtady.
Prezident Tebbun “Alžir basyp alyşlyk astyndaky Palestinli doganlaryna goldaw bermäge, paýtagty Gündogar İýerusalim bolan garaşsyz Palestin döwletinin gurulmagy üçin tagalla etmäge dowam eder” diýdi.