Britaniýa basyp alyşlyk astyndaky Günbatar Şeriada Ysraýylyň hökümetiniň täze bikanun 19 sanly ilatly ýeriň gurulmagy hakyndaky kararyny ýazgardy.
Britaniýanyň Ýakyn Gündogardan jogapkär ministri Falkoner, ýekşenbe güni X sosial media platformasy arkaly beren habarnamasynda “Britaniýa Palestinde täze bikanyn 19 ilatly ýeriň gurulmagyny tassyklan Ysraýylyň hökümetini ýazgaýar. Bikanun ilatly ýerleriň gurulmagy halkara hukugyna bap gelmeýär” diýip belledi.
Falkoneriň Ysraýylyň howpsuzlyk kabinetiniň basyp alyşlyk astyndaky Günbatar Şeriada täze bikanun 19 ilatly ýeriň gurulmagyny tassyklamagyndan soň beren beýannamasy ünsleri özüne çekdi.
Aşa sagçy Ysraýylyň Maliýe ministri Bezalel Smotriçe görä, soňky birnäçe ýylda bikanun ýagdaýda gurlan ilatly ýerleriň sany 69-a ýetdi.
Falkoner kararyň ABŞ-nyň Prezidenti Donald Trampyň Gazadaky söweşiň bes edilmegi üçin taýarlan 20 maddalyk parahatçylyk meýilnamasyna iki döwletli çözgüt tagallalaryna zeper ýetirjekdigini, parahatçylygyň we howpsuzlygyň ýola goýulmagy taýdan howply bolandygyny nygtady.
Palestinli ýolbaşçylara görä, 2023-nji ýylyň oktýabr aýyndan bäri Ysraýylyň howpsuzlyk güýçleri we bikanun ýewreý ýaşaýjylary basyp alyşlyk astyndaky Günbatar Şeriada we Gündogar Iýerusalimde azyndan 1102 palestinligini öldürdi, 11 adamyň adamy ýaralady, 21 müňe golaý adamy hem saklady.
Halkara Adalat diwany geçen ýylyň iýul aýynda Ysraýylyň Palestiniň territoriýasyny basyp almagyny bikanun hökmünde yglan etdi we basyp alyşlyk astyndaky Günbatar Şeriadaky we Gündogar Iýerusalimdäki ähli ilatly ýerleriň boşadylmagyny isledi.
