Ysraýylyň basyp alyşlyk astyndaky Günbatar Şeriada Nablus şäheriniň golaýynda ýerleşýän oba guran hüjümlerinde 4 palestinli ýarlandy.
Palestiniň radiosy Nablusyň günorta gündogarynda ýerleşýän Ýatma obasynda 4 palestinliniň bikanun ysraýylly ýaşaýjylar tarapyndan ýenjilendigini habar berdi.
Başga bir waka bolsa Ramallah şäheriniň demirgazyk gündogarynda ýerleşýän Sinžil etrapçasynda palestinliler bilen bikanun ysraýylly ýaşaýjylaryň arasynda başdan geçirildi. Wakada adam pidasynyň çekilip çekilmändigi hakynda maglumat berilmedi.
Günbatar Şeriadaky meýletinlerden Osama Makhmara bikanun ysraýylly ýaşaýjylaryň Al Haliliň günortasynda ýerleşýän Masafer Ýatta etrapçasyna hüjüm gurandygyny aýtdy.
Ysraýylly bikanun ýaşaýjylaryň 2025-nji ýylda basyp alyşlyk astyndaky Günbatar Şeriada palestinlilere we emlaklaryna garşy 4 müň 723 hüjüm gurandygy bellige alyndy. Şol hüjümlerde 14 palestinli ýogaldy. Hüjümler sebäpli 1 müň 90 adam başga ýere göçmäge mejbur boldy.
Resmi görkezijilere görä 2024-nji ýylyň ahyryna çenli basyp alyşlyk astyndaky Günbatar Şeriada gurlan bikanun ilatly ýerlerin sany 180-den geçdi.
