ABŞ-nyň Prezidenti Donald Tramp, Ysraýylyň Premýer-ministri Binýamin Netanýahuýa, Türkiýe bilen başdan geçirlip bilinjek haýsydyr bir düşnüşmezlikde “parasatly” çemeleşmelidigini aýtdy. Türkiýe Respublikasynyň Prezident R. T. Erdogan bilen ýakyndan gatnaşyk edýändigini nygtan we Erdogan hakynda öwgüli sözler aýdan Tramp, başdan geçirilýän kynçylyklary çözjekdigine ynanýandygyny nygtady.

Netanýahunu Ak Tamda Owal ofisde kabul eden Tramp, žurnalistlere beren beýannamasynda, “Türkiýe bilen düşnüşmezligiň bar bolsa men bu meseläni çözüp bilerin. Elbetde sen parasatly bolan halatynda. Parasatly bol. Parasatly bolalyň” diýdi.

Netanýahuýa ýüzlenen Tramp, “Bibi eger Türkiýe bilen haýsydyr bir meselede düşnüşmezligiň bar bolsa men ony çözüp biljekdigime ynanýaryn. Türkiýe bilen we liderleri bilen ýakyndan gatnaşyk edýärin. Bu meseläniň hötdesinden gelip bileris”diýdi. Trampyň Ysraýylyň Premýer-ministri Netanýahunyň lakamy bolan “Bibi” sözüni ulanmagy ünsleri özüne çekdi.

Tramp mundan başgada Prezident Erdogan bilen ýakyndan gatnaşyk edýändigini nygtady we ony “gaty berk we akylly”diýip häsiýetlendirdi. Tramp, Erdoganyň hiç kimiň hötdesinden gelip bilmedik işiniň hötdesinden gelendigini aýtdy. Bu sözleri bilen geçen ýylyň dekabr aýynda Siriýanyň ozalky lideri Başar Asadyň agdarylmagynda Türkiýäniň uly rol oýnandygyna ynanýandygyny ýene-de bir gezek nygtady.

Tramp, ozal hem Türkiýäni “gowy ýurt” we Prezident Erdogany “gowy lider” hökmünde häsiýetlendiripdi.