BMG-nyň Baş sekretary Antoniu Guterreş, Siriýanyň Prezidenti Ahmed Şara bilen duşuşdy.

BMG tarapyndan berlen beýannama görä, Guterreş bilen Şara Siriýadaky syýasy geçiş etaby hakynda pikir alyşdy.

Gurama tarapyndan çarşenbe güni berlen beýannama görä, Guterreş duşuşykda Siriýanyň özygtyýarlygyna we territorial bitewiligine goldaw berilmegiň ähmiýetine ünsi çekdi.

Beýannamada Gutereşiň 1974-nji ýylda baglaşylan Güýçleriň bölünşigi hakyndaky şertnamanyň basgylanmagyna alada bildirýändigi nygtaldy.

BMG-nyň Baş sekretary Antoniu Guterreş, Siriýanyň Prezidenti Ahmed Şara duşuşykda BMG bilen Siriýanyň arasyndaky gatnaşyklaryň ösdürilmegi we Ýakyn Gündogarda başdan geçirilýän soňky wakalar hakynda hem pikir alyşdy.

25 ýyldan bäri häkimiýetiň başynda bolan Başar Asad geçen ýylyň dekabr aýynda wezipesinden çetleşdirilmeginden soň Russiýa gaçyp gidipdi we 1963-nji ýyldan bäri häkimiýetiň başynda bolan Baas partiýasynyň döwrü ýapylypdy.

Ahmed Şara ýanwar aýynda Siriýada wagtlaýyn hökümeti gurupdy.

Şara 1967-nji ýyldan bäri BMG-nyň Baş Assambleýasynda çykyş eden Siriýanyň ilkinji prezidenti boldy.