“Antara” habarlar agentliginiň habaryna görä, Indoneziýanyň Milli tebigy betbagtçylyklaryň öňüni alyş agentligi (BNPB) ýurduň Flores sebitinde bolan ýer titremesi barada iň soňky maglumatlary çap etdi.
BNPB Milli tebigy betbagtçylyklar Maglumatlar merkeziniň başlygynyň orunbasary Berton Panjaitan ýer titremesinde ýogalanlaryň sanynyň 71 adama ýetendigini aýdyp: "Hökümetiň adyndan ýogalan adamlaryň dogan-garyndaşlaryna çuňňur gynanç bildirýäris" diýip belledi.
Indoneziýanyň Flores sebitinde 15-nji awgustda 7,7 bal ululygyndaky ýer titremesi boldy we ondan soň iň ulusy 6,2 bal bolan azyndan 235 gezek ýer yranmasy hasaba alyndy.
Beýleki tarapdan Demirgazyk Sumatra welaýatynyň Pematangsiantar şäheriniň golaýynda 6,9 bal ululygynda ýene-de bir ýer titremesi boldy.
Ýer titremesi 900-den gowrak öýi weýran etdi, 1300-den gowrak öýe bölekleýin zyýan ýetirdi we takmynan 5000 adam wagtlaýyn gaçybatalgalara ýerleşdirildi.
