BMG-nyň Owganystana ýardam gullugy UNAMA, 10-njy oktýabrdan bäri Pakistan bilen Owganystanyň arasynda bolan çaknyşyklarda azyndan 18 adamyň ýogalandygyny we 360-dan gowrak adamyň ýaralanandygyny mälim etdi.
UNAMA tarapyndan penşenbe güni berlen beýannamada, “Taraplara asuda ilaty goramak üçin duşmançylyklaryny bes etmekleri üçin çagyryş berýäris” diýdi.
UNAMA Pakistan bilen Owganystanyň arasynda birnäçe gün dowam eden onlarça adamyň ýogalmagyna we ýaralanmagyna sebäp bolan hüjümlerden soň möhüm beýannama berdi.
Ady agzalýan wakalar, 2021-nji ýylda Talibanyň Owganystanda häkimiýeti ele geçirmeginden soň goňşy iki ýurduň arasynda başdan geçirlen iň agyr krizis hökmünde bellige alyndy.
10-njy oktýabrdan bäri başdan geçirilýän wakalar sebäpli iki ýurduň arasyndaky dartgynlyk güýçlenýär.
Sebitde ýerleşýän ýurtlaryň taraplara çaknyşyklaryň bes edilmegi boýunça beren çagyryşyndan soň çarşenbe güni iki tarap hem çaknyşyklaryň bes edilmegi boýunça ylalaşyk gazanandygyn mälim etdi.
Ylalaşykdan soň taraplaryň arasynda çaknyşygyň bolmandygy nygtaldy.
BMG-nyň Owganystana ýardam gullugy taraplaryň arasynda gazanylan ylalaşyga kanagatlanma bildirdi.
Çaknyşyklarda çekilen adam pidalary hakynda doly maglumat berilmedi.
Pakistan Owganystana terrorçylara ýer eýeçiligini etmekde günäkärleýär, emma Taliban bu günäkärlemeleri ret etdi.
Pakistan 2021-nji ýyldan bäri ýurtda guralýan terrorçylykly hüjümlere garşy göreşýär.
Iki ýurt 2,611 kilometr uzynlygyndaky Durand liniýasy bilen serhetdeş. Bu serhet Owganystana tarapyndan ykrar edilmedi.
