Ysraýylly iki halk deputaty, ABŞ-nyň Prezidenti Donald Trampyň Ysraýylyň parlamenti Knessetde çykyş edýän pursatlarynda Gazadaky genosidi ýazgarýan şygarlar aýtdy. Trampyň çykyşynda Miriam Adelson hakynda öwgüli sözler aýtmagy ünsleri özüne çekdi.

Duşenbe güni Ysraýylyň parlamenti Knessetden gelen wideo ýazgylarda, çepçi Hadash partiýasynyň agzalary Aýman Odeh bilen Ofer Gassifiň, Ysraýylyň Gazadaky genosidine garşy şygarlar aýdandyklary sebäpli zaldan çykarlandygy görüldi.

Hadash (parahatçylyk we deňhukuklyk üçin demokratik front” atly çepçi garaýyşly arap-ýewreý syýasy partiýasynyň agzasy bolan bu iki halk deputaty, Ysraýylyň Gazadaky genosidini ýazgardy.

Miriam Adelson

ABŞ-nyň Prezidenti Donald Tramp çykyşynda özüne maliýe taýdan uly kömek beren Miriam Adelsonyň ABŞ-nyň alyp barýan Ysraýyl syýasatynda uly rol oýnaýandygyna ünsi çekdi.

Miriam Adelson 2024-nji ýylyň oktýabr aýynda ABŞ-da geçirlen prezident saýlawynyň öňüsyrasynda Trampa goldaw bermek üçin 100 million dollardan gowrak pul bagyşlapdy.

Sionist Adelsen basyp alyşlyk astyndaky Günbatar Şerianyň Ysraýyl tarapyndan anneksirlenmegini we ABŞ-nyň bu meselede özlerine goldaw bermegini isleýär.

Adelson Forbes žurnalynda çap edilen makalada, Ysraýylyň Gazadaky genosidinde garşy geçirlen protest ýörişlerini “radikal musulmanlaryň gorkunç maslahatlary” hökmünde häsiýetlendirdi we “Olar biziň duşmanymyz diýdi”