Türkiýe Respublikasynyň Milli Goranmak ministrligi, türk esgerleriniň Siriýanyň demirgazygyndan Türkiýe serhedine ýakyn harby merkezlerden çekilendigi hakyndaky habarlaryň asylsyzdygyny mälim etdi.
Ministrlik tarapyndan penşenbe güni berlen beýannamada “Türk Ýaragly güýçleriniň Parahatçylyk çeşmesi operasiýasy zolagyndaky käbir sebitlerden çekilendigi hakyndaky habarlar dogry däl. Türk Ýaragly güýçleri sebitde Siriýanyň hökümeti bilen utgaşykly ýagdaýda öz işini dowam etdirýär” diýildi.
Beýannamada ýalan maglumata däl eýsem diňe resmi beýnnamalara üns berilmegi çagyryşy berildi.
Türkiýe Siriýanyň demirgazygynda terror guramasyna garşy 2016-njy ýylda “Ýefrat galkany”, 2018-nji ýylda “Zeýtun Şahasy” we 2019-njy ýylda “Parahatçylyk çeşmesi” ýaly terror koridarynyň açylmagynyň öňüni almak we asuda ilaty goramak maksady bilen birnäçe operasiýa geçirdi.
“Parahatçylyk çeşmesi” operasiýasy 2019-njy ýylyň oktýabr aýynda Siriýanyň demirgazygyndaky PKK/ÝPG-li terrorçylary täsirsiz ýagdaýa getirmek maksady bilen başlady.
Türkiýe-Siriýa serhedinden başlap Siriýanyň içinde M4 ýoluna çenli 30 kilometrlik meýdanda howpsuz zolagyň döredilmegi göz öňünde tutuldy.
ABŞ, geçişde DEAŞ-a garşy ÝPG-ny ýaraglandyrandygyna garamazdan Türkiýäniň geçiren operasiýasyndan öň Siriýanyň demirgazygyndaky esgerlerini yza çekmegi kabul etdi.
ÝPG, terror guramasy PKK-nyň Siriýadaky bölegi hökmünde kabul edilýär.
