Hindistanyň demirgazyk gündogarynda ýerleşýän Assam sebitinde aşa köp ýagýan ýagyşlar bilen gelen sil sebäpli ýogalanlaryň sany 100 adama ýetdi.
Adatdan daşary ýagdaýlar gullugyndan berlen beýannamada, soňky 24 sagatda sil sebäpli ýene-de 2 adamyň ýogalandygy nygtaldy.
Şeýlelikde sebitde sil sebäpli ýogalanlaryň sany 100 adama ýetdi.
Assam sebitiniň Premýer-ministri Biswa Sarma X sosial media platformasy arkaly beren habarnamasynda aşa köp ýagýan ýagyşlar bilen gelen siliň sebitde 1,1 milliondan gowrak adama ýaramaz täsirini ýetirendigini belledi.
MASLAHAT BERILÝÄR
Sebitde 16 müň 951 gekdarlyk meýdanyň suwyň aşagynda galandygy nygtaldy.
Günorta Aziýada iýun-sentýabr aýlarynda täsirli bolan muson ýagyşlary Hindistana we Pakistana uly zeper ýetirýär.
