Nigeriýanyň Plato welaýatynda guralan ýaragly hüjümde 9 adam ýogaldy.
Milli metbugatyň habarlaryna görä, Plato welaýatynyň Barkin Ladi sebitinde näbelli ýaragly adamlar töwerege ot açdylar.
Hüjümde 9 adam öldi, köp sanda adam ýaralandy.
Beýleki tarapdan Nigeriýanyň goşuny welaýatyň Şere, Gwafan we Maza sebitlerinde ýaragly topar agzalaryna garşy operasiýalaryň geçirilendigini aýan etdi.
Beýanatda operasiýalarda ýaragly toparyň 11 agzasynyň tussag edilendigi bellenildi.
Plato welaýatynda wagtal-wagtal ýaragly hüjümler amala aşyrýan toparyň agzalary iýul aýynda guran hüjümlerinde 10 adamy öldüripdiler.
Nigeriýanyň dürli sebitleri uzak wagtdan bäri ýaragly toparlaryň, şeýle hem Boko Haram we DAIŞ-iň Günbatar Afrikadaky şahasy bolan ISWAP ýaly terrorçylykly guramalaryň hüjümlerine sezewar bolýar.
