Prezident Rejep Taýýip Erdogan Türkiyäniň milli goranyş taslamalaryny "çalt" öňe sürmek arkaly ýewropaly ýaranlary bilen goranyş hyzmatdaşlygyny "iki tarap üçin hem peýdaly" prinsipe esaslanyp güýçlendirjekdigini aýtdy.
Erdogan duşenbe güni Ankarada Ministrler Kabinetiniň mejlisine ýolbaşçylyk edenden soň geçirilen metbugat ýygnagynda: "Ýerli we milli goranyş taslamalarymyzy çalt durmuşa geçireris, Ýewropadaky ýaranlarymyz bilen goranyş hyzmatdaşlygymyzy iki tarap üçin hem peýdaly esasda güýçlendireris" diýdi.
Erdogan ýurduň goranmak taslamalarynyň üstünde durup geçip, ýerli harby uçar KAAN-yň Türkiyäniň harby-howa güýçleriniň düzümine "kesgitlän tertibimize laýyklykda" giriziljekdigini aýtdy.
Prezident Erdogan şeýle hem: “HÜRJET öz ulgamynda liderligi maksat edinýän bolsa-da, KAAN hem ähli işler tamamlanandan soň öz kategoriýasynda iň ýokary derejä çykmak üçin tagalla eder” diýdi.
Terrordan saplanan ýurt emele getirmek ugrundaky tagallalaryň üstünde durup geçen Erdogan Türkiyäniň öz topragynda ýa-da goňşy ýurtlaryň topragynda terrorçylygyň hiç hili görnüşini islemeýändigini nygtady we döwletiň terrorçylyga garşy uzak wagtlap alyp barýan göreşini aýratyn belläp geçdi.
