Günorta Koreýanyň Hanwha Aerospace firmasy, geçen hepde Norwegiýa bilen uzak aralykly raketa şertnamasyny baglaşdy. Duşenbe güni hem Nordik sebitinde uzak möhletli howpsuzlyk hyzmatdaşlygyny dowam etdirmegi meýilleşdirýändigini mälim etdi.
Ýonhap habarlar gullugynyň berýän habaryna görä, firmanyň başlygy Son Žaeil, Norwegiýanyň Günorta Koreýanyň Hanwha Aerospaje firmasyny saýlap almagynyň özara ynamy görkezýändigini aýtdy.
Son Žaeil “Norwegiýa bilen ýakyndan gatnaşyk etmegi we Nordik sebitiniň howpsuzlygyna goşant goşmagy we strategik hyzmatdaşlygy has-da pugtalandyrmagy maksat edinýäris” diýdi.
Norwegiýanyň Goranyş enjamlary gullugy UDMA bilen baglaşylan şertnamanyň çäginde Günorta Koreýanyň Hanwha Aerospace firmasy Norwegiýanyň ýaragly güýçlerine 16 sany ÇNRA raketasyny satar.
Şertnamanyň gymmatynyň 2 milliard dollara barabardygy habar berildi.
Günorta Koreýa bilen Norwegiýa 2017-nji ýyldan bäri goranyş senagaty boýunça ýakyndan hyzmatdaşlyk edýär.
