Russiýanyň Goranmak ministrligi Ukrainanyň günbatar sebitlerinde Ýewropa ýurtlaryndan harby ýükleri daşamak üçin ulanylýan demir ýol infrastrukturasyna hüjümlerini dowam etdirýändigini aýan etdi.
Ministrlkden berlen beýanatda Russiýanyň Ýaragly Güýçleriniň Ukrainadaky hereketleri barada maglumat berildi.
Beýanatda rus goşunynyň günüň dowamynda Ukrainadaky nyşanalara hüjüm gurandygy, şeýle hem Odessa şäherinde we Odessa sebitinde harby enjamlary saklamak we paýlamak üçin ulanylýan logistika merkezlerine, şeýle hem uçarmansyz howa ulagy öndürýän sehlere hüjümler guralandygy bellenildi.
Beýanatda Odessa portunda portuň işlemegini üpjün edýän harby ýük gämileriniň we transformatorlaryň nyşana alnandygy bellenip: "Ukrainanyň günbatar sebitlerinde Ýewropa ýurtlaryndan harby ýükleri daşamak üçin ulanylýan demir ýol infrastrukturasynyň elementlerine garşy hüjümler dowam etdi" diýlip habar berildi.
Beýanatda hüjümleriň howadan ýokary takyklykly ýaraglar we uçarmansyz howa ulaglary arkaly amala aşyrylandygy mälim edildi.
