Hytaýyň günorta-günbataryndaky Syçuan welaýatynyň bir obasynda binanyň diwarynyň çökmegi netijesinde bäş adam ýogaldy.
“Şinhua” habarlar agentliginiň habaryna görä, Ýibiniň Çanning etrabynyň bir obasynda çagasynyň uniwersitete giriş synagyny üstünlikli geçmegi mynasybetli geçirilýän dabarada maşgalalaryň biriniň öýüniň diwary çökdi.
Çöken diwaryň aşagynda galan 5 adam ýogaldy, 17 adam bolsa ýaralandy.
Resmiler üç adamyň wakanyň bolan ýerinde ölendigini, lukmançylyk kömegine garamazdan, başga iki adamyň halas edilip bilinmändigini we ýaralanan 17 adamyň bejergi üçin hassahana äkidilendigini mälim etdiler.
