Türkiýäniň Daşary işler ministri Hakan Fidan, Eýrana guraljak howa hüjüminiň hökümetiň agdarylmagyna sebäp bolmajakdygyny aýtdy.
Hakan Fidan duşenbe güni CNN Türk teleýaýlymyna beren beýannamasynda, Eýranda hökümetiň agdarylmagy maksady bilen harby hüjüm guralan halatynda, hökümetiň agdarlyp agdarylmajakdygy hakynaky soraga “Hökümeti agdaryp bilmezler” diýip jogap berdi.
Hakan Fidan “Eýranda howa hüjümi ýada başga bir hereket hökümetiň agdarylmagyna sebäp bolup bilmez”diýdi.
Ministr Fidan harby hüjümiň döwleti güýçden gaçyrjakdygyny emma hökümetiň çalylmagyna sebäp bolup bilmejekdigini sözleriniň üstüne goşdy.
Ankara diplomatik tagallalaryny dowam etdirýär
Ankara Eýran bilen ABŞ-nyň arasynda 8 aý soň anna güni Omanda gaýtadan başlan gepleşikleriň soňky tapgyrynyň öňüsyrasynda möhüm beýannama berdi.
Eýranyň daş-töweregindäki dartgynlygyň halkara gün tertibinde esasy orun eýeleýändigini nygtan Hakan Fidan, sebitiň başga bir çaknyşygyň hötdesinden gelip bilmejekdigi dogrusynda duýduryş berdi.
Daşary işler ministri Fidan “Prezidentimiz R. T. Erdogan hem bu mesele bilen ýakyndan gyzyklanýar. Söweşin öňüniň alynmagy üçin elimizden geleni ederis” diýdi.
Eýranyň Daşary işler ministri Abbas Arakçiniň özüne gepleşikler hakynda maglumat berendigini aýdan Hakan Fidan, Ankaranyň ABŞ bilen mesele boýunça aragatnaşyk saklaýandygyny nygtady.
Başdan geçirilýän kynçylyklaryň gysga wagtda çözülmeginiň mümkin däldigini aýdan Fidan, taraplaryň gepleşikleriň dowam etdirilmegini isleýändigini belledi.
