Eýranyň Arap goňşularyna guraýan raketa we dron hüjümlerini ýazgaran Katar, Müsür we Iordaniýa, hüjümleriň sebitara dartgynlygy çuňlaşdyryp biljekdini duýdurdy.
Müsür çarşenbe güni, hüjümleri nyşana alynan Arap döwletleriniň özygtyýarlygynyň we territorial bitewiliginiň basgylanmagy hökmünde häsiýetlendirdi.
Hüjümleri berk ýazgaran Müsür, Kuweýde, Bahreýne we Iordaniýa doly goldaw berýändiklerini mälim etdi we hüjümleriň dowam etdirilmeginiň halkara howpsuzlyk we durnuklylyk taýdan netijesiniň agyr boljakdygyny duýdurdy.
Katar hem Iordaniýa, Bahreýne we Kuweýde guralan hüjümleri, şol ýurtlaryň özygtyýarlygynyň we bitewiliginiň basgylanmagy we halkara hukugyna we BMG-nyň düzgünlerine bap gelmeýän hereket hökmünde häsiýetlendirdi.
Doha taraplara çaknyşyklaryň möwjemegine sebäp bolup biljek hereketlerden gaça durulmagy üçin çagyryş etdi we gepleşikleriň dowam etdirilmegini isledi.
Iordaniýa hem Eýran tarapyndan Bahreýne we Kuweýde guralan hüjümleri ýazgardy, hüjümleri halkara hukugynyň basgylanmagy hökmünde häsiýetlendirdi.
Eýranyň Ynkylap goragçylary goşuny, Kuweýt, Birleşen Arap Emirlikleri, Iordaniýa, Bahreýn we Yrak bilen birlikde ABŞ-nyň goňşy ýurtlardaky harby bazalaryna hüjüm gurandygyny mälim edipdi.
