Russiýa Ukrainanyň strategik taýdan möhüm ähmiýete eýe bolan demirgazyk-gündogardaky Kupýansk şäherini doly öz gözegçiligine alandygyny yglan etdi.
Russiýanyň "Zapad" (Günbatar) harby toparynyň başlygy Leonid Şarow sişenbe güni TASS habar agentligine beren interwýusynda Ukrainanyň şähere gaýtadan girmek synanyşyklaryna garamazdan, "Kupýansk şäherin Russiýanyň 6-njy goşunynyň gözegçiliginde galýar" diýdi.
Kiýew birnäçe sebiti we golaýdaky iki ilatly nokady yzyna alandygyny habar berenden soň, Ukrainanyň prezidenti Wladimir Zelenskiý Kupýansk şäheriniň golaýyndaky front liniýasyna baryp görüpi. Bu sapar sebitde gözegçilik ugrundaky göreşiň dartgynlylygyny ýene-de bir gezek görkezdi.
Şarow kiçi ukrain bölümleriniň şäheri yzyna almak üçin her gün synanyşyklaryny dowam etdirýändigini, ýöne rus güýçleriniň sebitde öz güýjüni berk saklaýandygyny, munuň bolsa logistika we harby ýük daşamak üçin örän möhümdigini beýan etdi.
Beýleki tarapdan Russiýa Harkow sebitindäki Nowoplatoniwka obasyny basyp alandygyny öňe sürdi. Moskwa şeýle hem Ukrainanyň Gara deňiz flotunyň suwasty gämisiniň Noworossiýsk deňiz bazasynda batyrylandygy baradaky habaryny ret etdi. Flotyň metbugat gullugynyň başlygy kapitan Alekseý Rulew bu habarlary "esassyz" diýip häsýetlendirdi.
