Ysraýylyň Premýer-ministri Binýamyn Netanýahu öňümizdäki günlerde ABŞ-nyň Prezidenti Donald Tramp bilen duşuşjakdygyny aýtdy.
Netanýahu ABŞ-nyň Prezidentiniň gaza meýilnamasynyň ýakynda ikinji tapgyryna geçiljekdigini belledi.
Netanýahu ýekşenbe güni Germaniýanyň Federal Kansleri Merz bilen birlikde metbugata beren beýannamasynda Tramp bilen geçirjek duşuşygynda parahatçylyk mümkinçilikleri we Hamasyň häkimiýetden çetleşdirilmegi meselesiniň ara alnyp maslahatlaşyljakdygyny nygtady.
Sebitde iki ýyldan gowrak wagt bäri dowam edýän söweşiň bes edilmegi üçin ABŞ-nyň Prezidenti Donald Tramp tarapyndan taýarlanan meýilnamanyň ikinji tapgyryna geçilmegi üçin gepleşikler dowam edýär.
Meýilnama ysraýylly ýesirleriň boşadylmagyny, Gaza halkara howpsuzlyk güýjiniň ornaşdyrylmagyny we wagtlaýyn teknokrat Palestin hökümetiniň gurulmagyny öz içine alýar.
Netanýahu oktýabr aýynyň ahyrynda beren beýannamasynda Gaza meýilnamasynyň ikinji tapgyryna geçilmegi üçin gepleşik geçirjekdiklerini aýdypdy.
Ysraýylyň hüjümleri 10-njy oktýabrda güýje giren Gaza ylalaşygy bilen birlikde azaldy emma dolulygyna bes edilmedi.
Hamas ylalaşygyň çäginde 2 müň palestinli tussaglygynyň boşadylmagynyň öwezinde ysraýylly 20 ýesiri we 27 ýesiriň hem jesedini yzyna berdi. Ysraýylly 1 ýesiriň jesedi bolan henizem Gazada.
Hamas Ysraýylyň harby goşunyň basyp alyşlygynyň bes edilmegi şerti bilen Gazadaky ýaraglaryny sebiti gönükdirjek palestin hökümetine tabşyrmaga taýardygyny aýdypdy.
