Waşington ştatyndaky tokaý ýangynlary sebäpli ýüzlerçe bina zeper ýetirildi we 65 müňden gowrak adam ölerini terk etmeli boldy.

Amerikan Gyzyl Haç jemgyýetinden duşenbe güni berlen beýannamada “Ýangynlar sebäpli 65 müň adam ewakuasiýa edildi” diýildi.

Spokane etrabynda 700-den gowrak ýaşaýyş jaýynyň ýanandygy bellenildi.

Etrabyň İçeri işler müdüri Jon Nowels metbugata beren beýannamasynda bir adamyň bilkastlaýyn ýangyna sebäp bolandygy sebäpli saklanandygyny aýtdy.

Şübheliniň Old Trails ýangyny bilen arabaglanşygynyň bardygy öňe sürülýär.

Howa şertleriniň ýangynyň ýaýramagyna sebäp bolýandygy ýatladyldy.

Spokane we Stewens etraplarynyň golaýynda başlan ýangynlaryň şenbe gününden bäri 3,248 gekdarlyk meýdany ýakandygy habar berildi.

Sinlahekin ýangyny sebäpli 26-njy iýuldan bäri 34 müň 398 gekdarlyk meýdan ýandy.

820-den gowrak adam tokaý ýangynlaryna garşy göreşýär, emma ýangyn henizem gözegçilik astyna alnyp bilinmedi.