Fransiýanyň prezidenti Emmanuel Makron, Wengriýanyň paýtagty Budapeşt şäherinde ABŞ-nyň prezidenti Donald Tramp bilen Russiýanyň prezidenti Wladimir Putiniň arasynda geçiriljek duşuşykda hem ukrainalylaryň hem-de ýewropalylaryň “stoluň başynda bolmalydygyny” aýtdy.
Duşenbe güni Sloweniýada geçirlen Ýewropa Bileleşiginiň Ortaýer deňzi sammitinden soň geçirilen metbugat ýygnagynda çykyş eden Makron, bolup biljek duşuşygy "gaty gowy zat" diýip häsiýetlendirdi we "prezidentler ikitaraplaýyn meýilnamalaryny ara alyp maslahatlaşyp bilerler" diýdi.
Makron: "Ukrainanyň ykbaly ara alnyp maslahatlaşylan mahaly ukrainler stoluň başynda bolmaly. Ýewropanyň howpsuzlygyna täsir ýetirýän meseleler ara alnyp maslahatlaşylan mahaly ýewropalylar stoluň başynda bolmaly. Meniň aýdyp biljek zadym şu" diýdi.
Makron şeýle hem, Fransiýanyň Ukraina goldaw berýändigini ýene-de bir gezek gaýtalady we dowam edýän uruş wagtynda ýurduň çydamlylygyna ünsleri çekdi.
