Ukrainanyň Russiýanyň günbatarynda ýerleşýän Smolensk etrabynda dökün önümçilik kärhanasyna guran hüjüminde 7 adamyň ýogalandygy, 10 adamyň ýaralanandygy habar berildi.
Önümçilik kärhanasy Ukraina serhedinden 290 kilometr alysda ýerleşýär.
Sosial mediada berlen habarlarda Ukrainanyň çarşenbe güni ir ertir uçarmansyz howa ulaglary bilen guran hüjüminden soň kärhananyň ýanandygy nygtaldy.
Etrap häkimi Wasily Anokhin Telegramdan beren habarnamasynda “Duşman azot öndürýän önümçilik kärhanasyna hüjüm gurady” diýdi.
Kärhana uly zeper ýetiren hüjüm sebäpli 7 adamyň ýogalandygy nygtaldy.
Bu hüjüm 4 ýyllyk söweşde rus senagat kärhanalaryna guralan iň uly hüjümlerden biri boldy.
Ukraina tarapyndan berlen beýannamada, partlaýjy maddalar bilen üpjün edilen azyndan 30 dronyň uçurlandygy we dronlaryň uly ýitgi çekilmegine sebäp bolandygy nygtaldy.
Resmiler hüjümden soň başlan ýangynyň gözegçilik astyna alynandygyny, howpsuzlyk sebäpli goňşy obalaryň ýaşaýjylarynyň ewakuasiýa edilmeginiň meýilleşdirilýändigini mälim etdi.
Rus köpçülikleýin habar beriş serişdeleri desganyň geçen ýylyň dekabr aýynda hem hüjüme sezewar bolandygyny habar berdi.
Asuda ilatyň nyşana alnandygy hakyndaky habarlary ret eden Ukraina bolsa mesele hakynda hiç hili garaýyş beýan etmedi.
