ABŞ-nyň prezidenti Donald Tramp, Russiýa bilen Ukrainanyň arasyndaky uruş çözülmese, Tomagawk kruiz raketalaryny Ukraina iberjekdigini aýtdy.

Tramp ýekşenbe güni Gaza ýaraşyk şertnamasy bilen bagly Şarm al-Şeýh sammitine gatnaşmak maksady bilen sebit ýurtlary bolan Ysraýyla we Müsüre sapar guramadan ozal, Air Force One uçarynda metbugat işgärlerine beren beýanatynda, Ukrainanyň “Tomogawk raketalaryna eýe bolmak isleýändigini” habar berdi.

Donald Tramp Ukrainanyň prezidenti Wladimir Zelenskiý bilen geçiren gepleşiklerine ünsleri çekip: "Bu barada gürleşdik, göreris" diýdi.

Prezident Tramp şeýle hem: "Dogrusyny aýtsam, Russiýa bilen gürleşmeli bolmagym mümkin. Tomagawk raketalarynyň bu tarapa gitmegini isleýärlermi? Meniň pikirimçe beýle däl. Dogrymy aýtsam, bu barada Russiýa bilen gürleşip bilerin" diýdi we Tomagawk raketalaryny "täze bir agressiýa ädimi" hökmünde häsýetlendirdi.

Tramp metbugat işgärlerine: “Serediň eger bu uruş çözülmese olara Tomogawk raketalaryny ibererin. Tomogawk ygtybarly bir ýaragdygyny, örän agressiw bir ýaragdygyny aýdyp bilerin. Dogrymy aýtsam, Russiýanyň oňa zerurlygy ýok. Eger uruş çözülmese ony edip biljekdigimizi aýdyp bilerin. Belkem etmeris, emma belkem edip bileris. Urşuň bes edilmegini isleýärin” diýdi.

Geçen hepdäniň duşenbe güni Tramp Tomagawk raketalaryny Kiýewe ibermek ýa-da ibermezlik kararyna gelmek isleýändigini aýtdy we "Olar bilen näme edýändiklerini, raketalary nirä atýandyklaryny bilmek isleýärin" diýipdi.